Comeza o espectáculo
Benvid@s ao ring! Señoras, señores, o espectáculo vai comezar! Saberán o que é medo! Saberán o que é violencia! Benvid@s a Pressing catch, á expresión da furia que tod@s levamos dentro! Loitadores e loitadoras da vida cotiá enfrontaranse sobre o escenario da nova montaxe de Berrobambán, dirixida por Quico Cadaval, sobre un texto de Paula Carballeira.
E como este pressing catch non remata no espectáculo teatral, trátase de que participedes. Berrobambán e Komunikando convidámosvos a artistas, músic@s, dj’s, mc’s, vocalistas, graffiteir@s, regueifeir@s, podedes achegar as vosas creacións. Podedes ler a convocatoria do noso certame e enviar xa os vosos temas!
En Berrobambán tómanse convencións do «pressing catch»: os epítetos dos loitadores, a acrobacia, a música que os acompaña, pero introducindo diálogos, presenza feminina, e, sobre todo, a descontextualización da loita. En Pressing Catch, os nosos loitadores e loitadoras recorren ao enfrontamento verbal, á loita a través da linguaxe, aos argumentos como labazadas. Coma o rap ou a regueifa, a resistencia, a dialéctica e a loita fanse linguaxe e mesmo canción.
Aquí tedes un tema de Soyuz Sound System co Tini Templado: «eletroni-K.O».
eletroni-ko
Posted on Setembro 29th, 2009 by berropressing
Filed under: Sen clasificar
.
.
.
.
.
.